ՍՈՑԻԱԼԱԿԱՆ ՀՈԼՈՎԱԿԻ ՆԿԱՐԱՀԱՆՄԱՆ ԲԱՑ ՄՐՑՈՒՅԹ
«Նոր Սերունդ» Մարդասիրական ՀԿ-ն հայտարարում է սոցիալական հոլովակի մշակման, նկարահանման, սցենարի կազմման աշխատանքների մրցույթ։
Պաշտոն – Սոցիալական հոլովակի/ների պատրաստման ծառայություններ իրականացնող
Սոցիալական հոլովակի/ների թեմաները՝
- ՄԻԱՎ-ի համաճարակի վերահսկման համատեքստում խարանի և խտրականության հետևանքները ՏՍՏ-անձանց վրա
- ՄԻԱՎ-ի համաճարակի վերահսկման համատեքստում խարանի և խտրականության հետևանքները կոմերցիոն սեռական ծառայություններ մատուցող անձանց վրա
Վայրը – Երևան, Հայաստան
Աշխատանքի նկարագրություն
Համագործակցելով ծրագրի աշխատակազմի հետ՝
— կազմել հոլովակի սցենար,
— մշակել վիդեո-գաղափարներ,
— պատրաստել անիմացիա, ինֆոգրաֆիկա հոլովակի մի հատվածի կամ ամբողջական հոլովակի համար,
— իրականացնել նկարահանումներ,
— անհրաժեշտության դեպքում ընտրել դերասաններին և նրանց գործողությունները համապատասխանեցնել սյուժեին,
— կազմակերպել մոնտաժը,
— խմբագրումներից և կազմակերպության նկատառումներով շտկումներից հետո կազմակերպությանը հանձնել պատրաստի հոլովակ։
Պահանջվող որակավորումներ և հմտություններ
- Աշխատանքային փորձ սցենարի կազմման, ֆիլմ/հոլովակներ նկարահանելու և խմբագրումներ կատարելու ոլորտներում,
- Մանրուքների հանդեպ ուշադիր լինելու ունակություն,
- Ստեղծագործական մտածողություն, մտքերն իրագործելու և տեղ հասցնելու կարողություն,
- Ստեղծագործական արտադրանքը մանրակրիտ հղկելու պատրաստակամություն,
- Անգլերեն ենթագրերի ապահովումը կդիտվի որպես առավելություն,
- Թիմում աշխատելու ունակություն,
- Հաղորդակցման հմտություններ։
Աշխատավարձը – Պայմանագրային
Տևողությունը — Պայմանագրային
Դիմելու ընթացակարգը — Դիմել կարող եք որպես անհատ, ինչպես նաև ստեղծագործական խմբով՝ վերոնշյալ ծառայություններից մեկը կամ մի քանիսն իրականացնելու համար։ Խրախուսելի է ինչպես անհատների, այնպես էլ կազմակերպությունների դիմումը։
Տվյալ թափուր հաստիքին դիմելու համար խնդրում ենք լրացնել հետևյալ ՀԱՅՏԱԴԻՄՈՒՄԸ մինչև 2022թ.-ի հունիսի 15—ը՝ դիմումի տեսակն ընտրելով Աշխատանքի ընդունման հայտ, իսկ հաստիքի համար նախատեսված դաշտում ընտրել «Սոցհոլովակի նկարահանման աշխատանքներ իրականացնող մասնագետ: