ԵՆԹԱԴՐԱՄԱՇՆՈՐՀ «ԲԱԶՄԱԶԱՆՈՒԹՅՈՒՆ» ՀԿ-ԻՆ
2022թ․-ի հունվարի 11-ին «Նոր Սերունդ» Մարդասիրական ՀԿ-ի կողմից տրամադրվեց երկրորդ ենթադրամաշնորհը «Իրազեկում և հզորացում հանուն հավասարության» ծրագրի շրջանակներում՝ ուղղված ԼԳԲՏԻ անձանց իրավունքների պաշտպանության, անխտրականության և հավասարության խթանմանը։
Ենթադրամաշնորհը տրամադրվել է «Բազմազանություն» սոցիալ-մշակութային, իրավապաշտպան ՀԿ-ին՝ «Վերաթողարկելով իրավահավասարությունը» ծրագրի իրականացման համար։
Ծրագրի նպատակն է ստեղծել կարճ ֆիլմ, որն անդրադառնում է զինկոմիսարիատներում և հոգեկան առողջության կենտրոններում ԳԲՏՔ+ անձանց նկատմամբ խտրականության ու բռնությունների դեպքերին։ Հոլովակը նպաստելու է հետագա ադվոկացիոն գործողություններին, որոնք ուղղված են իրավահավասարության օրինական կարգավիճակի կայացմանը։
Ֆիլմը անդրադառնալու է նախազորակոչի ընթացքում ԳԲՏՔ+ անձանց նկատմամբ խտրականության դեպքերին, բացաահայտելու այդ դեպքերը և իրականացնելու փաստահավաք գործունեություն՝ արձանագրել դրանք, նպաստելու ՍԿԳԻ հիմքով բռնությունների մասին դիսկուրսին։
Շնորհավորում ենք «Բազմազանություն» սոցիալ-մշակութային, իրավապաշտպան ՀԿ-ին՝ վստահ լինելով նշված նպատակների բարեհաջող իրականացման և արդյունավետ համագործակցության վրա՝ ի նպաստ ԼԳԲՏԻ անձանց իրավունքների պաշտպանությանը, խտրականության վերացմանը և հավասարության հաստատմանը Հայաստանում:
Ենթադրամաշնորհը տրամադրվել է «Նոր Սերունդ» Մարդասիրական ՀԿ-ի կողմից և ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում: