ԴԱՍԸՆԹԱՑ ԶԼՄ ՆԵՐԿԱՅԱՑՈՒՑԻՉՆԵՐԻ ՀԱՄԱՐ. ՄԱՍՆԱԿԻՑՆԵՐԻ ԿԱՆՉ
«Նոր Սերունդ» Մարդասիրական ՀԿ-ն հրավիրում է ԶԼՄ ներկայացուցիչներին՝ մասնակցելու երկօրյա վերապատրաստման դասընթացին:
Նպատակը՝
Զարգացնել ԶԼՄ ներկայացուցիչների կարողությունները ԼԳԲՏ հիմնահարցերի ճշգրիտ և անաչառ լուսաբանման, ինչպես նաև ատելության խոսքի ճանաչման վերաբերյալ։
Տևողությունը՝
Դասընթացը տեղի կունենա 2021թ․-ի հոկտեմբերի 14-15-ը:
Դասընթացի ընթացքում կներկայացվեն հետևյալ թեմաները՝
- «Ատելության խոսքն ընդդեմ ազատության խոսքի»
- «Մեդիագրագիտություն և ԼԳԲՏ հիմնահարցերի անաչառ և ճշգրիտ լուսաբանում»
Դասընթացի ընթացքում մասնակիցները կստանան տեսական և գործնական գիտելիքներ, անհրաժեշտ գրականություն, ինչպես նաև գործնական հանձնարարություններ և խորհրդատվություն: Դասընթացը կարող է Նոր Սերունդ Մարդասիրական ՀԿ-ի հետ հետագա համագործակցության սկիզբ հանդիսանալ։
Դասընթացի աշխատանքային լեզուն հայերենն է։ Դասընթացի մասնակցությունն անվճար է, կացության և սննդի ծախսերը հոգում են կազմակերպիչները։
Մասնակիցների տեղափոխումը կազմակերպվելու է Երևանից դեպի դասընթացի իրականացման վայրը։
Ինչպե՞ս դիմել
Մասնակցելու համար խնդրում ենք լրացնել ՀԱՅՏԱԴԻՄՈՒՄԸ մինչև 2021 թ.-ի սեպտեմբերի 30-ը՝ ընտրելով դասընթացի թեման՝ ԶԼՄ ներկայացուցիչների կարողությունների զարգացում և հզորացում։
Ընտրված մասնակիցներին կուղարկվի պաշտոնական հրավեր և տեղեկատվական փաթեթ: