ԼԳԲՏԻ համայնքի ներկայացուցիչները հանդիպեցին դիվանագիտական կառույցների ներկայացուցիչների հետ
2020 թվականի հուլիսի 8-ին «Նոր Սերունդ» Մարդասիրական ՀԿ գրասենյակում Հայաստանի ԼԳԲՏԻ համայնքի ներկայացուցիչները հանդիպեցին Հայաստանում Շվեդիայի խորհրդական-դեսպանորդ Ն․Գ․ Բիրյեր Կարլսոնի և Արգենտինայի դեսպանության գործերի հավատարմատար Ն․Գ․ Միգել Չիլինգիրյանի հետ։
Հանդիպմանը մասնակցում էին նաև «Նոր Սերունդ» Մարդասիրական ՀԿ-ի նախագահ Սերգեյ Գաբրիելյանը, ֆինանսական ղեկավար Արման Սահակյանը և ծրագրերի համակարգող Ալինա Միրզոյանը։
ՀԿ նախագահ Սերգեյ Գաբրիելյանը ողջունեց մեծարգո դեսպաններին, կարևորեց դիվանագիտական կառույցների դերը Հայաստանում ժողովրդավարության զարգացման և խոցելի խմբերի մարդու իրավունքների պաշտպանության ոլորտում։
Հանդիպումը անցավ անկաշկանդ հարց ու պատասխանի, քննարկումների մթնոլորտում։ Համայնքի ներկայացուցիչները պատմեցին իրենց նկատմամբ խարանի և խտրականության դրսևորումներից, բռնության դեպքերից, կիսեցին իրենց կարծիքը Հայաստանում նոր իշխանությունների բերած փոփոխությունների վերաբերյալ։
Հանդիպման մասնակիցները քննարկեցին նաև դիվանագիտական մարմինների և հասարակական կազմակերպությունների համագործակցության արդյունքում տեղի ունեցած սոցիալական փոփոխությունները։
Մեծարգո հյուրերը շնորհակալություն հայտնեցին նման ձևաչափով հանդիպում կազմակերպելու և անձնական պատմությունները կիսելու համար։
Համայնքի ներկայացուցիչները շնորհակալություն հայտնեցին երկխոսության հարթակ ստեղծելու, ինչպես նաև դիվանագիտական մարմինների շարունակական աջակցության համար։