ԵՐԻՏԱՍԱՐԴԱԿԱՆ ՆՈՐՈՒԹՅՈՒՆՆԵՐ


«Նոր Սերունդ» Մարդասիրական ՀԿ-ն սեպտեմբերի 22-27-ը Երևանում էր հյուրընկալել

Այս ուսումնասիրությունը պատկերացում է տալիս ԵՄ-ում տրանսգենդեր մարդկանց հանդեպ

ՀԱՄԱԳՈՐԾԱԿՑՈւԹՅՈւՆ ԲԱՎԱՐԻԱՅԻ ԵՐԻՏԱՍԱՐԴԱԿԱՆ ԽՈՐՀՐԴԻ ՀԵՏ


«Նոր Սերունդ» Մարդասիրական ՀԿ-ի (ՆՍՀԿ) և «Բավարիայի երիտասարդական խորհուրդ»-ի (ԲԵԽ) համագործակցության շնորհիվ 2019թ-ից սկսած Հայաստանի և Գերմանիայի երիտասարդները հնարավորություն կունենան մասնակցելու փոխանակման ծրագերի և վերապատրաստվելու, որպես երիտասարդական աշխատող, — ասում է ՆՍՀԿ-ի նախագահ Սերգեյ Գաբրիելյանը, որը գլխավորում  էր կազմակերպության՝ «Բավարիայի երիտասարդական խորհուրդ»-ի տարեկան ժողովին մասնակցելու նպատակով Գերմանիայի Դաշնային Հանրապետություն մեկնած պատվիրակությունը։

Այցի գլխավոր նպատակը   ՆՍՀԿ-ի և  ԲԵԽ-ի նախագահների կողմից երիտասարդների և երիտասարդական ՔՀԿ-ների փորձի փոխանակման և զարգացման վերաբերյալ Հուշագրի  ստորագրումն էր։

«Մրցութային կարգով ընտրված երիտասարդները  կմասնակցեն համապատասխան դասընթացների, կծանոթանան Գերմանիայում գործող երիտասարդական հիմնախնդիրներով զբաղվող կառույցների գործունեությանը։

Այս ամենը կզուգորդվի մշակութային-ճանաչողական այցերով ինչպես Հայստանի այնպես էլ Գերմանիայի վերաբերյալ ամբողջական պատկեր կազմելու նպատակով,-ասում է Սերգեյ Գաբրիելյանը։

«Այցի շրջանակներում այցելեցինք նաև ԲԵԽ-ի մյունխենյան գրասենյակ, ինչպես նաև հանդիպումներ ունեցանք  վերջինիս կազմում գործող մի շարք երիտասարդական կազմակերպությունների հետ»,-հավելում է ՆՍՀԿ-ի իրավաբան Անահիտ Մկրտչյանը՝ ընդգծելով, որ  «Նոր Սերունդ» Մարդասիրական ՀԿ-ի ներկայացուցիչների համար այցի շրջանակներում կազմակերպվեցին նաև բազմաթիվ մշակութային-ճանաչողական այցեր, որոնցից էին` թագավոր Լյուդվիգ 2-րդի ամրոցը (Նոյշվանշտայն) և Դախաոյում գտնվող հիտլերյան համակենտրոնացման ճամբարը, որտեղ պահվել  և սպանվել են մարդիկ՝ ելնելով նրանց  ազգային կամ կրոնական պատկանելությունից, սոցիալական կարգավիճակից, սեռական կողմնորոշումից և այլ հատկանիշներից:

Հոկտեմբերի 17-24-ը «Նոր Սերունդ» Մարդասիրական ՀԿ-ի ներկայացուցիչների այցը Գերմանիայի Դաշնային Հանրապետություն կատարվել է Բավարիայի երիտասարդական խորհրդի ֆինանսական աջակցությամբ:

Նոր Սերունդ Մարդասիրական ՀԿ-ի և Բավարիայի Երիտասարդական Խորհրդի փոխհամագործակցության հուշագրի ստորագրման պաշտոնական արարողություն։

Նոր Սերունդ Մարդասիրական ՀԿ նախագահի ուղերձը և շնորհակալական ելույթը Բավարիայի երիտասարդական խորհրդի ամենամյա համաժողովի ժամանակ։

Հանդիպում Բավարիայի Երիտասարդական Կենտրոնում

Հանդիպում Բավարիայի պարլամենտում


ԻՐԱԿԱՆԱՑՐԱԾ ԳՈՐԾՈՂՈՒԹՅՈՒՆՆԵՐ