Անիմացիոն հոլովակի պատրաստման բաց մրցույթ
«Նոր Սերունդ» Մարդասիրական ՀԿ-ն հայտարարում է անիմացիոն հոլովակի պատրաստման աշխատանքների մրցույթ։
Պաշտոն – Անիմացիոն հոլովակի պատրաստման ծառայություններ իրականացնող
Սոցիալական հոլովակի թեման՝
- ՄԻԱՎ-ի համաճարակի վերահսկման համատեքստում խարանի և խտրականության հետևանքները կոմերցիոն սեռական ծառայություններ մատուցող անձանց վրա
Վայրը – Երևան, Հայաստան
Աշխատանքի նկարագրություն
Համագործակցելով ծրագրի աշխատակազմի հետ՝
— կազմել հոլովակի սցենար,
— մշակել վիդեո-գաղափարներ,
— պատրաստել անիմացիա, ինֆոգրաֆիկա ,
— իրականացնել մոնտաժը,
— խմբագրումներից և կազմակերպության նկատառումներով շտկումներից հետո կազմակերպությանը հանձնել պատրաստի հոլովակ։
Պահանջվող որակավորումներ և հմտություններ
- Աշխատանքային փորձ սցենարի կազմման, անիմացիա/հոլովակներ պատրաստելու և խմբագրումներ կատարելու ոլորտներում,
- Մանրուքների հանդեպ ուշադիր լինելու ունակություն,
- Ստեղծագործական մտածողություն, մտքերն իրագործելու և տեղ հասցնելու կարողություն,
- Ստեղծագործական արտադրանքը մանրակրիտ հղկելու պատրաստակամություն,
- Անգլերեն ենթագրերի ապահովումը կդիտվի որպես առավելություն,
- Թիմում աշխատելու ունակություն,
- Հաղորդակցման հմտություններ։
Աշխատավարձը – Պայմանագրային
Տևողությունը — Պայմանագրային
Դիմելու ընթացակարգը — Դիմել կարող եք որպես անհատ, ինչպես նաև ստեղծագործական խմբով՝ վերոնշյալ ծառայություններից մեկը կամ մի քանիսն իրականացնելու համար։ Խրախուսելի է ինչպես անհատների, այնպես էլ կազմակերպությունների դիմումը։
Տվյալ թափուր հաստիքին դիմելու համար խնդրում ենք լրացնել հետևյալ ՀԱՅՏԱԴԻՄՈՒՄԸ մինչև 2022թ.-ի սեպտեմբերի 16—ը՝ դիմումի տեսակն ընտրելով Աշխատանքի ընդունման հայտ, իսկ հաստիքի համար նախատեսված դաշտում ընտրել «Անիմացիոն հոլովակի պատրաստման մասնագետ» կետը: