ՄԻԳՐԱՆՏՆԵՐԻ ԿԱՆԱՆՑ ԿԱՐՈՂՈՒԹՅՈՒՆՆԵՐԻ ԶԱՐԳԱՑՄԱՆ ԴԱՍԸՆԹԱՑ. ՄԱՍՆԱԿԻՑՆԵՐԻ ԿԱՆՉ
«Նոր Սերունդ» Մարդասիրական ՀԿ-ն հրավիրում է միգրանտների կանանց՝ մասնակցելու 2-օրյա դասընթացի:
Նպատակը՝
Զարգացնել ՀՀ-ից մեկնած աշխատանքային միգրանտների կանանց կարողությունները կանանց իրավունքների, գենդերային հավասարության ու ֆեմինիստական առաջնորդության վերաբերյալ, ինչպես նաև ապահովել ՀՀ միգրանտների և նրանց ընտանիքների համար հասանելի պետական ծրագրերի վերաբերյալ տեղեկատվությամբ։
Տևողությունը՝
Դասընթացը տեղի կունենա 2022թ․—ի սեպտեմբերի 22-ից 23-ը:
Դասընթացի թեմաներն են՝
- Կանանց իրավունքներ,
- Գենդերային հավասարություն,
- Ֆեմինիստական առաջնորդություն,
- ՀՀ միգրանտների և նրանց ընտանիքների համար հասանելի պետական ծրագրեր:
Դասընթացի ընթացքում մասնակիցները կստանան տեսական և գործնական գիտելիքներ, անհրաժեշտ գրականություն, ինչպես նաև գործնական հանձնարարություններ և խորհրդատվություն:
Դասընթացի աշխատանքային լեզուն հայերենն է։ Դասընթացի մասնակցությունն անվճար է, ծախսերը հոգում են կազմակերպիչները։
Ընտրված մասնակիցներին կուղարկվի պաշտոնական հրավեր և տեղեկատվական փաթեթ:
Ինչպե՞ս դիմել
Մասնակցելու համար խնդրում ենք լրացնել ՀԱՅՏԱԴԻՄՈՒՄԸ մինչև 2022 թ.-ի սեպտեմբերի 5—ը՝ դիմումի տեսակն ընտրելով Սեմինար/Դասընթացի մասնակցության հայտ, իսկ ծրագրի դաշտում՝ «Միգրանտների կանանց կարողությունների զարգացում» թեման։