«ԱՐՄԵԴ» համակարգում արտացոլվում են անձի սեռական կողմնորոշման ԵՎ գենդերային ինքնության մասին տվյալները
ՀՀ-ում վերջին տարիներին գործարվել է առողջապահության ոլորտում միասնական էլեկտրոնային տեղեկատվական համակարգը, որում արտացոլվում է պացինետի առողջական վիճակի ողջ պատմությունը և բժշկական տեղեկատվությունը։ Այն պացինետի համաձայնության կամ օրենքով նախատեսված այլ դեպքերում հասանելի է դառնում համապատասխան բուժաշխատողին։
Թեև Առողջապահության համաշխարհային կազմակերպության կողմից ՀՄԴ-11 թարմացմամբ հաստատվել է հիվանդությունների ցանկը, և նախկինում հիվանդություն համարվող մի շարք ախտորոշումների ցանկից հանվել են, սակայն ՀՀ ներպետական օրենսդրությունը հարմարեցված չէ միջազգային այդ չափորոշիչներին։ Մասնավորապես «հոմոսքեսուալիզմ» և «տրանսսեքսուալիզմ» տերմինները շարունակում են ՀՀ ներպետական օրենսդրությամբ մնալ և համարվել հոգեկան խանգարում ունեցող հիվանդություն։ Եթե անձի մոտ ըստ ներպետական ընթացակարգերի տրվում է վերոնշյալ «ախտորոշումը», ապա այն արտացոլվում է նաև «Արմեդ» էլեկտրոնային առողջապահության համակարգում։
2022 թվականի հունիսի 1-ին «Նոր Սերունդ» Մարդասիրական ՀԿ-ն (ՆՍՀԿ) գրավոր դիմել է ՀՀ առողջապահության նախարարություն խնդրելով հանձնարարել էլեկտրոնային առողջապահության համակարգում հասանելի չդարձնել անձանց սեռական կողմնորոշման և գենդերային ինքնության մասին տեղեկատվությունը։
2022թ-ի հունիսի 10-ին ստացվել է առողջապահության նախարարության պատասխան գրությունը, որով հայտնում են, որ Առողջապահության նախարարի հրամանով, որպես խախատումներից և չարաշահումներից խուսափելու երաշխիք, սպառիչ սահմանվում են պացիենտի ախտորոշման հասանելիության վերաբերյալ կարգավորումները։
«Նոր Սերունդ» Մարդասիրական ՀԿ-ն համոզված է, որ վերոգրյալը մարդու իրավունքների կոպիտ խախտում է, որը
- Բացահայտում է անձի սեռական կողմնորոշումը և գենդերային ինքնությունը։
- Նպաստում է բժշկական հաստատություններում ԳԲՏԻ անձանց նկատմամբ խարանի և խտրականության դրսևորմանը։
- Խախտում է անձի անձնական տվյալների պաշտպանության, մասնավոր և ընտանեկան կյանքի գաղտնիության իրավունքը։