ՓՈՐՁԱԳԵՏԻ ԹԱՓՈՒՐ ՀԱՍՏԻՔԻ ԲԱՑ ՄՐՑՈՒՅԹ
«Նոր Սերունդ» Մարդասիրական ՀԿ-ն (ՆՍՀԿ)-ն հայտարարում է փորձագետի բաց մրցույթ՝ Հայաստանում սեքս աշխատանքին առնչվող արդարադատական համակարգի վերաբերյալ գրասեղանային ուսումնասիրություն (desk-based research) իրականացնելու համար։
Փորձագետի հիմնական պարտականությունները
Փորձագիտական աշխատանքը պետք է ներառի հետևյալ գործողությունները՝
- Ուսումնասիրել և զեկույցում ներառել տեղեկություն Հայաստանում սեքս աշխատանքին առնչվող արդարադատական համակարգի (ոչ թե հենց սեքս աշխատանքի) վերաբերյալ։
- Ուսումնասիրել Հայաստանում սեքս աշխատանքին առնչվող օրենսդրական դաշտը։
- Գրասեղանային հետազոտության հիման վրա կազմել զեկույց։
Հետազոտությունը պետք է իրականացվի հայերենով։
Ժամանակացույց
- Տեխնիկական բնութագիրը պետք է իրականացվի մինչև 2022 թվականի սեպտեմբերի 30-ը։
- Հետազոտության նախնական տարբերակը պետք է ուղարկվի ՆՍՀԿ-ին մինչև 2022 թվականի սեպտեմբերի 10-ը՝ դիտարկումների և մեկնաբանությունների համար։
Ծառայությունների վճարը
Տեխնիկական բնութագրի աշխատանքը իրականացնելու համար փորձագետի վարձատրության չափը որոշվելու է մրցույթի ամփոփման ընթացքում։
Գնահատումը
Դիմումների գնահատումը իրականացնելու է ՆՍՀԿ Խորհրդակցական խորհուրդը։
Պահանջվող որակավորումները և հմտությունները
- Գրասեղանային հետազոտություններ իրականացնելու աշխատանքային փորձ,
- Հարցաշարերի, զեկույցների և այլ փաստաթղթերի կազմման հմտություններ,
- Ոլորտում կատարված ուսումնասիրությունները նախընտրելի են,
- Անգլերեն և ռուսերեն փաստաթղթեր կարդալու կարողություն։
Ինչպե՞ս դիմել
Տվյալ թափուր հաստիքին դիմելու համար խնդրում ենք լրացնել հետևյալ ՀԱՅՏԱԴԻՄՈւՄԸ մինչև 2022 թվականի հունիսի 24-ը՝ «Մատուցվող աշխատանքի/ծառայության անվանումը» դաշտում նշելով «Գրասեղանային ուսումնասիրության փորձագետ»։