ՓՈՐՁԱԳԵՏԻ ԹԱՓՈՒՐ ՀԱՍՏԻՔԻ ԲԱՑ ՄՐՑՈՒՅԹ
«Նոր Սերունդ» Մարդասիրական ՀԿ-ն (ՆՍՀԿ)-ն հայտարարում է փորձագետի բաց մրցույթ՝ թիրախ խմբերի շրջանում ֆոկուս խմբային քննարկումներ իրականացնելու, թիրախ խմբերի կարիքները վեր հանելու, անցումային պլանը վերլուծելու և առաջարկությունների փաթեթ մշակելու համար։
Փորձագետի հիմնական պարտականությունները
Փորձագիտական աշխատանքը պետք է ներառի հետևյալ գործողությունները՝
- Մշակել ֆոկուս խմբային քննարկման (ՖԽՔ) անցկացման ուղեցույց և իրականացնել 3 ՖԽՔ 10 ՏՍՏ, 10 ԿՍԿ, 10 տրանս* անձանց շրջանում՝ հավաքելու ՄԻԱՎ-ին առնչվող ծառայությունների ոլորտում նրանց կարիքները։ Կազմել ՖԽՔ-ների արդյունքների ամփոփ զեկույցներ։
- Իրականացնել Հայաստանի անցումային պլանի վերլուծություն, թե որքանով են տրամադրվող ՄԻԱՎ-ի ծառայությունները համապատասխանում թիրախ խմբերի կարիքներին՝ հաշվի առնելով ՖԽՔ-ների արդյունքները։
- Ելնելով հետազոտության արդյունքներից՝ մշակել առաջարկությունների փաթեթ՝ ուղղված անցումային պլանի բարելավմանը։
- Ներկայացնել հետազոտության արդյունքները առաջիկա ՄՀՀ նիստի ընթացքում։
Հետազոտությունը պետք է իրականացվի հայերենով։
Ժամանակացույց
- Տեխնիկական բնութագիրը պետք է իրականացվի մինչև 2022 թվականի ապրիլի 20-ը։
- Հետազոտության նախնական տարբերակը պետք է ուղարկվի ՆՍՀԿ-ին մինչև 2022 թվականի ապրիլի 10-ը՝ դիտարկումների և մեկնաբանությունների համար։
Ծառայությունների վճարը
Տեխնիկական բնութագրի աշխատանքը իրականացնելու համար փորձագետի վարձատրության չափը որոշվելու է մրցույթի ամփոփման ընթացքում։ Փորձագետը պետք է ներկայացնի աշխատանքը կատարելու համար անհրաժեշտ օրերի քանակը և օրական վարձատրության չափը։ Օրական վարձատրության վերջնական չափը կողմերի միջև համաձայնության հիման վրա է ձևավորում։ Այն դեպքում, երբ փորձագետը չի նշում օրական վարձատրության չափը կամ ՆՍՀԿ-ն չի հաջողում համաձայնեցնել այն փորձագետի հետ, կազմակերպությունը կարող է չկնքել պայմանագիրը և դիտարկել մրցույթին մասնակցած այլ փորձագետի ներգրավելու տարբերակը։ Տեխնիկական բնութագրում ներառված աշխատանքը կատարելու համար ամբողջական վարձատրության չափը չի կարող գերազանցել 1,000,000 (մեկ միլիոն) դրամը, ներառյալ բոլոր հարկերը։
Գնահատումը
Դիմումների գնահատումը իրականացնելու է ՆՍՀԿ Խորհրդակցական խորհուրդը։
Այն փորձագետները, որոնք կունենան թիրախ խմբերի հետ աշխատանքի փորձ, կունենան առավելություն։
Պահանջվող որակավորումները և հմտությունները
- Ազգային մակարդակում ՄԻԱՎ-ի ծառայությունների տրամադրման, ֆինանսավորման վերաբերյալ գիտելիք,
- Շահագրգիռ կողմերի, այդ թվում՝ թիրախ խմբերի, առողջապահական ոլորտի փորձագետների, որոշում կայացնողների հետ աշխատանքի փորձ,
- Հանրային առողջության ոլորտում հետազոտություններ իրականացնելու աշխատանքային փորձ,
- Հարցաշարերի, զեկույցների և այլ փաստաթղթերի կազմման հմտություններ,
- ՄԻԱՎ-ի ոլորտում կատարված ուսումնասիրությունները նախընտրելի են,
- Անգլերեն և ռուսերեն փաստաթղթեր կարդալու կարողություն։
Ինչպե՞ս դիմել
Տվյալ թափուր հաստիքին դիմելու համար խնդրում ենք լրացնել հետևյալ ՀԱՅՏԱԴԻՄՈւՄԸ մինչև 2022 թվականի մարտի 5-ը՝ «Մատուցվող աշխատանքի/ծառայության անվանումը» դաշտում նշելով «Անցումային պլանի ուսումնասիրության փորձագետ»։
Փորձագիտական աշխատանքի տեխնիկական բնութագրին կարող եք ծանոթանալ այստեղ։