Ամեն տարի՝ դեկտեմբերի 1-ին, աշխարհը հիշատակում է ՁԻԱՀ-ի համաշխարհային օրը։ Մարդիկ ամբողջ աշխարհում միավորվում են՝ ցույց տալու իրենց աջակցությունը ՄԻԱՎ-ով ապրող և ՄԻԱՎ-ից տուժած անձանց և հիշելու բոլոր նրանց, ովքեր կորցրել են իրենց կյանքը ՁԻԱՀ-ի պատճառով։ 2020 թվականին ամբողջ աշխարհի ուշադրությունը կենտրոնացած էր COVID-19-ի համավարակի վրա և թե ինչ ազդեցություն է այն թողնում կյանքերի և կենսակերպի վրա։ COVID-19-ը ևս մեկ անգամ ապացուցում է, թե ինչպես է առողջությունը փոխկապակցված այլ օրհասական խնդիրների հետ, ինչպիսիք են անհավասարության նվազեցումը, մարդու իրավունքները, գենդերային հավասարությունը, սոցիալական պաշտպանությունը և տնտեսական աճը։ Մտքում ունենալով այս ամենը՝ ՁԻԱՀ-ի համաշխարհային օրվա այս տարվա կարգախոսն է՝ Համաշխարհային համերաշխությունը, համընդհանուր պատասխանատվություն։
