Առողջապահական նորություններ ԴԱՍԸՆԹԱՑՆԵՐ, ՍԵՄԻՆԱՐՆԵՐ ԿԶՀ Նորություններ Նորություններ

ԱԶԱՏԱԶՐԿՎԱԾ ԱՆՁԱՆՑ ԿԱՐՈՂՈՒԹՅՈՒՆՆԵՐԻ ԶԱՐԳԱՑՄԱՆ ԴԱՍԸՆԹԱՑ ՀՀ ԱՆ «ՎԱՆԱՁՈՐ» ՔԿՀ-ՈՒՄ

by

 

Դասընթացի նպատակն էր տեղեկատվական կրթական հանդիպումների միջոցով զարգացնել Հայաստանի ՔԿՀ-ների ազատազրկված անձանց կարողությունները և առաջնորդությունը ՄԻԱՎ-ի և ՁԻԱՀ-ի, հեպատիտների, տուբերկուլոզի, մեթադոնային փոխարինող բուժման և առողջության իրավունքի վերաբերյալ, ինչպես նաև տրամադրել կրթատեղեկատվական ու կանխարգելիչ նյութեր։

 

Դասընթացի ընթացքում ներկայացվեցին հետևյալ թեմաները՝

 

  • «ՄԻԱՎ և ՁԻԱՀ․ Փոխանցման ուղիներ, կանխարգելում և ՀՌՎ բուժում»;
  • «Տուբերկուլոզ․ ՏԲ-ի կանխարգելումը ազատազրկված անձանց շրջանում»;
  • «Մեթադոնային փոխարինող բուժում»;
  • «Առողջության իրավունք»։

 

Թեմաները ներկայացրեցին ՀՀ ԱՆ «Ինֆեկցիոն հիվանդությունների ազգային կենտրոն ՓԲԸ-ի (ԻՀԱԿ), ՀՀ ԱՆ «Թոքաբանության ազգային կենտրոն» ՓԲԸ-ի (ԹԱԿ), ՀՀ ԱՆ «Կախվածությունների բուժման ազգային կենտրոն» ՓԲԸ-ի (ԿԲԱԿ) և «Նոր Սերունդ» Մարդասիրական ՀԿ-ի փորձագետները՝

 

  • Քրիստինե Լալայան – ԻՀԱԿ-ի բժիշկ համաճարակաբան;
  • Լյուբով Նիկոլայան – ԹԱԿ-ի մանկական բաժանմունքի ղեկավար, բժիշկ-ֆթիզիատոր/մանկաբույժ;
  • Աննա Ասատրյան – ԿԲԱԿ-ի փոխարինող բուժման ծառայության ղեկավար;
  • Անահիտ Մկրտչյան – ՆՍՀԿ փորձագետ, փաստաբան։

 

Դասընթացի արդյունքում ՀՀ ԱՆ «Վանաձոր» ՔԿՀ-ի ազատազրկված անձինք զարգացրին իրենց կարողությունները և բարձրացրեցին իրենց իրազեկվածությունը ՄԻԱՎ-ի և ՁԻԱՀ-ի, հեպատիտների, տուբերկուլոզի, մեթադոնային փոխարինող բուժման և առողջության իրավունքի վերաբերյալ, ինչպես նաև ստացան կրթատեղեկատվական ու կանխարգելիչ նյութեր։

 

 

Դասընթացի ավարտին մասնակիցներին շնորհվեցին հավաստագրեր, ինչպես նաև վերջիներս ունեցան անհատական խորհրդատվությունների հնարավորություն թե՛ բժիշկների, թե՛ փաստաբանի հետ։

 

Դասընթացների շարքը կազմակերպվում է «Նոր Սերունդ» Մարդասիրական ՀԿ-ի կողմից իրականացվող «ՄԻԱՎ վարակի կանխարգելում» ծրագրի շրջանակներում, որը ֆինանսավորվում է ՀՀ Առողջապահության նախարարության, ՁԻԱՀ-ի, տուբերկուլոզի և մալարիայի դեմ պայքարի Գլոբալ Հիմնադրամի ֆոնդերից` ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի միջոցով։

 

Դասընթացների իրականացմանը աջակցել են նաև ՀՀ Արդարադատության նախարարությունը, ՀՀ ԱՆ Քրեակատարողական ծառայությունը, ՀՀ ԱՆ «Թոքաբանության ազգային կենտրոն» ՓԲԸ-ն և ՀՀ ԱՆ «Կախվածությունների բուժման ազգային կենտրոն» ՓԲԸ-ն։