Ստեղծագործական երիտասարդական ամառային ակադեմիա (Սաքսոնիա, Գերմանիա)
Սիրելի երիտասարդ, եթե դու 18-ից 35 տարեկան ես և ստեղծագործ, նախաձեռնող անձնավորություն, ապա այս ակադեմիան հենց քեզ համար է։
«Նոր Սերունդ» Մարդասիրական ՀԿ-ն և Գերմանիայի ռուսախոս երիտասարդության միությունը երկար տարիների համագործակցության շրջանակներում իրականացնում են երիտասարդական փոխանակման ծրագրեր։
2025 թ. հուլիսին տեղի կունենա հերթական Ամառային ստեղծագործական երիտասարդական ակադեմիան, և մենք ուրախ կլինենք տեսնել քեզ այդ նախաձեռնության մասնակիցների շարքում։
Ի՞նչ է Ամառային ստեղծագործական ակադեմիան
Ամառային ակադեմիան յուրօրինակ «ճամբար է մեծահասակների համար», որտեղ մասնակիցները մեկ շաբաթ անցկացնում են ստեղծագործական և համագործակցության մթնոլորտում՝ միասին ապրելով, աշխատելով և անցկացնելով ճանաչողական և հետաքրքիր ժամանց։
Ե՞րբ և որտե՞ղ
- Ամսաթվեր՝ 2025 թ. հուլիսի 19–26
- Վայր՝ Bad Gottleuba-Berggießhübel (Սաքսոնիա, Գերմանիա)
Ո՞վ կարող է մասնակցել
- Մասնակիցների տարիքը՝ 18-ից 35 տարեկան Հայաստանում բնակվող ռուսախոս երիտասարդներ։
Մասնակցության պայմաններ
Կազմակերպող կողմը հոգում է՝
- Կացության
- Սննդի
- Ծրագրային ծախսերը
Մասնակիցը հոգում է միայն ճանապարհածախսը (Երևանից դեպի ակադեմիայի անցկացման վայր, և վերադարձը՝ Երևան)։
Վիզա
- Տրամադրվում է հրավեր վիզայի ձևակերպման համար։
- Ապահովվում է բժշկական ապահովագրություն Գերմանիայում գտնվելու ողջ ընթացքում։
- «Նոր Սերունդ» Մարդասիրական ՀԿ-ն կաջակցի վիզայի համար դիմումների լրացման և ներկայացման հարցում։
Ինչպե՞ս մասնակցել
Դիմելու համար՝ խնդրում ենք լրացնել հայտադիմումը մինչև 2025 թ. հունվարի 31-ը։
Միացիր մեզ, ապրիր մեկ շաբաթ ստեղծագործական մթնոլորտում և դարձրու այս ամառը անմոռանալի։