ԱԶԱՏԱԶՐԿՎԱԾ ԱՆՁԱՆՑ ԿԱՐՈՂՈՒԹՅՈՒՆՆԵՐԻ ԶԱՐԳԱՑՄԱՆ ԴԱՍԸՆԹԱՑ ՀՀ ԱՆ «ԱՐԹԻԿ» ՔԿՀ-ՈՒՄ

2023թ․ի սեպտեմբերի 15-ին «Նոր Սերունդ» Մարդասիրական ՀԿ-ի (ՆՍՀԿ) կողմից իրականացվող ՄԻԱՎ վարակի կանխարգելման ծրագրի շրջանակներում մեկնարկեց ՀՀ Արդարադատության նախարարության քրեակատարողական հիմնարկների (ՔԿՀ) ազատազրկված անձանց կարողությունների զարգացման դասընթացների շարքը։

Դասընթացների նպատակն է տեղեկատվական կրթական հանդիպումների միջոցով զարգացնել Հայաստանի ՔԿՀ-ների ազատազրկված անձանց կարողությունները և առաջնորդությունը ՄԻԱՎ-ի, տուբերկուլոզի, մեթադոնային փոխարինող բուժման և առողջության իրավունքի վերաբերյալ, ինչպես նաև տրամադրել կրթատեղեկատվական ու կանխարգելիչ նյութեր։

Առաջին դասընթացը տեղի ունեցավ 2023թ․-ի սեպտեմբերի 15-ին ՀՀ ԱՆ «Արթիկ» ՔԿՀ-ում։

Դասընթացը մեկնարկեց «ՄԻԱՎ-ի և ՁԻԱՀ-ի, հեպատիտների կանխարգելումը ազատազրկված անձանց շրջանում» թեմայով, որը վարեց ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի համաճարակաբանական հսկողության և խորհրդատվության բաժնի վարիչ Վարդան Արզաքանյանը։ Այնուհետև ՀՀ ԱՆ «Թոքաբանության ազգային կենտրոն» ՊՈԱԿ-ի մանկական բաժանմունքի ղեկավար, բժիշկ-ֆթիզիատոր/մանկաբույժ Անիկ Ուլումյանը ներկայացրեց «Տուբերկուլոզի կանխարգելումը ազատազրկված անձանց շրջանում» թեման։ Դասընթացի վերջին թեման «Առողջության իրավունք»-ն էր, որը վարեց ՆՍՀԿ փորձագետ, փաստաբան Անահիտ Մկրտչյանը։

Դասընթացի ավարտին մասնակիցներին շնորհվեցին հավաստագրեր, ինչպես նաև վերջիներս ունեցան անհատական խորհրդատվությունների հնարավորություն թե բժիշկների, թե փաստաբանի հետ։

​

Դասընթացները իրականացվում են «Նոր Սերունդ» Մարդասիրական ՀԿ-ի կողմից իրականացվող «ՄԻԱՎ վարակի կանխարգելում» ծրագրի շրջանակներում, որը ֆինանսավորվում է ՀՀ Առողջապահության նախարարության, ՁԻԱՀ-ի, տուբերկուլոզի և մալարիայի դեմ պայքարի Գլոբալ Հիմնադրամի ֆոնդերից` ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի հետ համագործակցությամբ։

Դասընթացների իրականացմանը աջակցում են նաև ՀՀ Արդարադատության նախարարությունը և ՀՀ ԱՆ «Թոքաբանության ազգային կենտրոն» ՊՈԱԿ-ը։