«Նոր Սերունդ» Մարդասիրական ՀԿ-ն հրավիրում է  ռուս-ուկրաինական պատերազմի հետևանքով Ռուսաստանից, Ուկրաինայից, Բելառուսից Հայաստան ժամանած փախստականների, տեղահանված անձանց և ապաստան հայցողների՝ մասնակցելու կարողությունների զարգացման դասընթացի։ 

Դասընթացի նպատակն է զարգացնել մասնակիցների կարողությունները՝ կարիերայի զարգացման, ՀԿ-ների  հիմնման, առաջնորդության, կոնֆլիկտի հաղթահարման, ֆինանսական կառավարման և մարդու իրավունքների վերաբերյալ։ 

Դասընթացը տեղի կունենա 2023թ․—ի  հուլիսի 27-ից 28-ը 

Դասընթացի թեմաներն են՝ 

• Կարիերայի զարգացում
• ՀԿ-ների հիմնում 
• Առաջնորդություն
• Կոնֆլիկտի հաղթահարում 
• Ֆինանսական կառավարում
• Մարդու  իրավունք, պաշտպանության մեխանիզմներ

Դասընթացը ներառելու է նաև քննարկման հարթակներ` առողջապահության և իրավունքի վերաբերյալ թեմաներով, հրավիրված ոլորտային փորձագետների մասնակցությամբ։ Դասընթացի ընթացքում մասնակիցները կստանան տեսական և գործնական գիտելիքներ, անհրաժեշտ գրականություն, ինչպես նաև գործնական հանձնարարություններ և խորհրդատվություն:  

Դասընթացի աշխատանքային լեզուն ռուսերենն է։

Դասընթացի մասնակցությունն անվճար է։ 

Ինչպե՞ս դիմել 

Մասնակցելու համար խնդրում ենք լրացնել ՀԱՅՏԱԴԻՄՈՒՄԸ մինչև 2023 թ.-ի  հուլիսի 25-ը։ 

Ընտրված մասնակիցներին կուղարկվի պաշտոնական հրավեր և տեղեկատվական փաթեթ: