ԴԱՍԸՆԹԱՑ ԵՐԻՏԱՍԱՐԴՆԵՐԻ ՀԱՄԱՐ. ՄԱՍՆԱԿԻՑՆԵՐԻ ԿԱՆՉ
«Նոր Սերունդ» Մարդասիրական ՀԿ-ն հրավիրում է 18-35 տարեկան անձանց՝ մասնակցելու 2-օրյա վերապատրաստման դասընթացին:
Նպատակը՝
Զարգացնել երիտասարդների կարողությունները և բարձրացնել վերջիններիս տեղեկացվածությունը ՄԻԱՎ-ի և ՁԻԱՀ-ի, ՄԻԱՎ-ի կանխարգելման և թեստավորման կարևորության, ՄԻԱՎ-ի փոխանցման ուղիների, կանխարգելման միջոցների, առողջության իրավունքի, խարանից և խտրականությունից զերծ մնալու իրավունքի վերաբերյալ։
Տևողությունը՝
Դասընթացը տեղի կունենա 2023թ․-ի ապրիլի 6-7-ը:
Դասընթացի թեմաներն են՝
- ՄԻԱՎ և ՁԻԱՀ։ ՄԻԱՎ-ի փոխանցման ուղիները և կանխարգելման միջոցները,
- ՄԻԱՎ-ի կանխարգելման և թեստավորման կարևորությունը,
- Առողջության իրավունք,
- Խարանից և խտրականությունից զերծ լինելու իրավունք։
Դասընթացի ընթացքում մասնակիցները կստանան տեսական և գործնական գիտելիքներ, անհրաժեշտ գրականություն, ինչպես նաև գործնական հանձնարարություններ և խորհրդատվություն:
Դասընթացի աշխատանքային լեզուն հայերենն է։ Դասընթացի մասնակցությունն անվճար է, կացության և սննդի ծախսերը հոգում են կազմակերպիչները։
Մասնակիցների տեղափոխումը կազմակերպվելու է Երևանից դեպի դասընթացի իրականացման վայրը։
Ինչպե՞ս դիմել
Մասնակցելու համար խնդրում ենք լրացնել ՀԱՅՏԱԴԻՄՈՒՄԸ մինչև 2022 թ.-ի մարտի 30-ը՝ ընտրելով «Երիտասարդների իրազեկում ՄԻԱՎ-ի և ՁԻԱՀ-ի, մարդու իրավունքների վերաբերյալ» թեման։
Ընտրված մասնակիցներին կուղարկվի պաշտոնական հրավեր և տեղեկատվական փաթեթ: