Բուժաշխատողների համար աշխատանքային ձեռնարկի մշակման ՓՈՐՁԱԳԵՏԻ ԲԱՑ ՄՐՑՈՒՅԹ
«Նոր Սերունդ» Մարդասիրական ՀԿ-ն աշխատանքի է հրավիրում փորձագետի՝ ՀՀ բուժաշխատողների համար «Համաճարակների կանխարգելման համատեքստում խոցելի խմբերի հետ աշխատանքի կարևորությունը և առանձնահատկությունները» թեմայով ձեռնարկի մշակման համար։
Հայտարարության սկիզբը` 04․02.2022թ.
Դիմումների վերջնաժամկետ` 30․04.2022թ․
Պաշտոնը՝ ՀՀ բուժաշխատողների համար աշխատանքային ձեռնարկի մշակման փորձագետ
Աշխատավարձը՝ Պայմանագրային
Աշխատանքի նկարագրություն
Փորձագետը կամ աշխատանքային խումբը ստանձնում է ստեղծել Ձեռնարկ ՀՀ բուժաշխատողների համար, որը կանդրադառնա ՀՀ խոցելի խմբերի, մասնավորապես Հայաստանի Հանրապետությունում ՄԻԱՎ/ՁԻԱՀ-ի կանխարգելման նպատակային ծրագրի թիրախային խմբերի, հետ մասնագիտական աշխատանքի, բժշկական օգնության և սպասարկման ճիշտ կազմակերպմանը, աշխատանքի առանձնահատկություններին և կարևորությանը համաճարակների կանխարգելման համատեքստում։
Պարտականությունները՝
- Իրականացնել խոցելի խմբերի կարիքների և բուժսպասարկման հասանելիության ուսումնասիրություն և գնահատում,
- Ուսումնասիրել համաճարակների կանխարգելման համատեքստում խոցելի խմբերի հետ աշխատանքի և բուժսպասարկման կազմակերպման միջազգային փորձը,
- Ուսումնասիրել խոցելի խմբերի հետ աշխատանքի և բուժսպասարկման կազմակերպման տեղական փորձը և առկա իրավիճակը,
- Իրականացնել հանդիպումներ, քննարկումներ ՀՀ Առողջապահության նախարարության, բուժհաստատությունների և այլ շահագրգիռ կողմերի հետ,
- Վերոնշյալ ուսումնասիրությունների հիման վրա ներկայացնել մեթոդաբանություն, որով պլանավորվում է կազմել Ձեռնարկի բովանդակությունը/կառուցվածքը։
- Համագործակցելով կազմակերպության թիմի հետ և ՀՀ Առողջապահության նախարարության հետ՝ կազմել համապատասխան ձեռնարկը,
- Վարել դասընթաց ՀՀ բուժաշխատողների համար` ձեռնարկի օգտագործման վերաբերյալ,
- Անհրաժեշտության դեպքում փաստաթուղթը ներկայացնել հանդիպում-քննարկումների ժամանակ։
Պահանջվող որակավորումներ և հմտություններ
- Աշխատանքային փորձ ձեռնարկների մշակման և կազմման ոլորտում,
- Ձեռնարկների, զեկույցների և այլ փաստաթղթերի կազմման հմտություններ,
- Բժշկական սպասարկման և այլ համապատասխան աշխատանքների կազմակերպման, համաճարակների կանխարգելման, խոցելի խմբերին առնչվող հիմնահարցերի վերաբերյալ կատարված ուսումնասիրությունների և/կամ այլ աշխատանքային փորձը կդիտվի որպես առավելություն։
Դիմելու ընթացակարգը՝ Տվյալ թափուր հաստիքին դիմելու համար խնդրում ենք լրացնել հետևյալ ՀԱՅՏԱԴԻՄՈՒՄԸ մինչև 2022թ․-ի ապրիլի 30-ը՝ դիմումի տեսակն ընտրելով Աշխատանքի ընդունման հայտ, հաստիքի դաշտում ընտրելով ձեռնարկի մշակման փորձագետ տողը։