ԱՆԻՄԱՑԻՈՆ ՀՈԼՈՎԱԿԻ ՆԿԱՐԱՀԱՆՄԱՆ ԱՇԽԱՏԱՆՔՆԵՐԻ ՄՐՑՈՒՅԹ
«Նոր Սերունդ» Մարդասիրական ՀԿ-ն հայտարարում է մոտիացիոն անիմացիոն հոլովակի նկարահանման, սցենարների կազմման աշխատանքների բաց մրցույթ։
Թեմա— «Որոշումների կայացման գործընթացում թիրախ խմբերի ներգրավվածության կարևորության ներկայացումը»
Ծրագիր – «Թիրախ խմբերի ակտիվ մասնակցությունը հանուն առաջնորդության և զարգացման»
Պաշտոն – Անիմացիոն հոլովակի նկարահանման մասնագետ
Տևողությունը – Պայմանագրային
Վայրը – Երևան, Հայաստան
Աշխատանքի նկարագրություն
Համագործակցելով ծրագրային աշխատակազմի հետ՝
— գրել հոլովակի սցենար,
— մշակել վիդեո-գաղափարները, ներառյալ դրանց տեքստը,
— պատրաստել անիմացիա,
— իրականացնել ֆիլմի խմբագրումը (մոնտաժը),
— խմբագրումներից և կազմակերպության նկատառումներով շտկումներից հետո կազմակերպությանը հանձնել պատրաստի հոլովակ։
Պահանջվող որակավորումներ և հմտություններ
- Աշխատանքային փորձ սցենար գրելու, ֆիլմ/հոլովակներ նկարահանելու և խմբագրումներ կատարելու ոլորտներում։
- Մանրուքների հանդեպ ուշադիր լինելու ունակություն,
- Ստեղծագործական մտածողություն, մտքերն իրագործելու և տեղ հասցնելու կարողություն,
- Ստեղծագործական արտադրանքը մանրակրիտ հղկելու պատրաստակամություն,
- Անգլերեն ենթագրերի ապահովումը կդիտվի որպես առավելություն,
- Թիմում աշխատելու ունակություն,
- Հաղորդակցման հմտություններ։
Աշխատավարձը – Պայմանագրային
Դիմելու ընթացակարգը — Դիմել կարող եք որպես անհատ, ինչպես նաև ստեղծագործական խմբով՝ վերոնշյալ ծառայություններից մեկը կամ մի քանիսն իրականացնելու համար։ Խրախուսելի է ինչպես անհատների, այնպես էլ կազմակերպությունների դիմումը։
Տվյալ թափուր հաստիքին դիմելու համար խնդրում ենք լրացնել հետևյալ հայտադիմումը մինչև 2020 թ.-ի հուլիսի 15-ը՝ «Մատուցվող աշխատանքի/ծառայության անվանումը և հակիրճ նկարագիրը» դաշտում ընտրելով «Անիմացիոն հոլովակի նկարահանման մասնագետ»: