ՍՈՑԻԱԼԱԿԱՆ ՀՈԼՈՎԱԿՆԵՐԻ ՆԿԱՐԱՀԱՆՄԱՆ ԱՇԽԱՏԱՆՔՆԵՐԻ ՄՐՑՈՒՅԹ
«Նոր սերունդ» Մարդասիրական ՀԿ-ն հայտարարում է սոցիալական հոլովակների նկարահանման, սցենարների կազմման աշխատանքների մրցույթ։
Ծրագիր – «Շահերի պաշտպանություն և իրազեկության բարձրացում ՀՀ հասարակության խոցելի խմբերի առողջության իրավունքի իրականացումն ապահովելու համար»։
Պաշտոն – Սոցիալական հոլովակների նկարահանման ծառայություններ իրականացնող
Տևողությունը – Պայմանագրային
Վայրը – Երևան, Հայաստան
Աշխատանքի նկարագրություն
Համագործակցելով ծրագրի աշխատակազմի հետ՝
— գրել հոլովակների սցենար,
— մշակել վիդեո-գաղափարները՝ ներառյալ դրանց տեքստը,
— անհրաժեշտության դեպքում իրականացնել հարցազրույցներ համապատասխան փորձագետների և մասնագետների հետ,
— պատրաստել անիմացիաներ (եթե որոշվի անիմացիայի տեսքով հոլովակը նկարել),
— իրականացնել նկարահանումներ,
— ընտրել դերասաններին և նրանց գործողությունները համապատասխանեցնել սյուժետին,
— կազմակերպել մոնտաժը,
— խմբագրումներից և կազմակերպության նկատառումներով շտկումներից հետո կազմակերպությանը հանձնել պատրաստի հոլովակներ։
Պահանջվող որակավորումներ և հմտություններ
- Աշխատանքային փորձ սցենար գրելու, ֆիլմ/հոլովակներ նկարահանելու և խմբագրումներ կատարելու ոլորտներում։
- Մանրուքների հանդեպ ուշադիր լինելու ունակություն,
- Ստեղծագործական մտածողություն, մտքերն իրագործելու և տեղ հասցնելու կարողություն,
- Ստեղծագործական արտադրանքը մանրակրիտ հղկելու պատրաստակամություն,
- Անգլերեն ենթագրերի ապահովումը կդիտվի որպես առավելություն,
- Թիմում աշխատելու ունակություն,
- Հաղորդակցման հմտություններ։
Աշխատավարձը – Պայմանագրային
Դիմելու ընթացակարգը — Դիմել կարող եք որպես անհատ, ինչպես նաև ստեղծագործական խմբով՝ վերոնշյալ ծառայություններից մեկը կամ մի քանիսն իրականացնելու համար։ Խրախուսելի է ինչպես անհատների, այնպես էլ կազմակերպությունների դիմումը։
Տվյալ թափուր հաստիքին դիմելու համար խնդրում ենք լրացնել հետևյալ հայտադիմումը մինչև 2020 թ.-ի հուլիսի 11-ը՝ «Մատուցվող աշխատանքի/ծառայության անվանումը և հակիրճ նկարագիրը» դաշտում ընտրելով «Սոցիալական հոլովակների պատրաստման մասնագետ»:
