Ենթադրամաշնորհների մրցույթ
«Նոր Սերունդ» Մարդասիրական ՀԿ-ն հայտարարում է փոքր ենթադրամաշնորհների մրցույթ։
Ներկայացվող ենթադրամաշնորհային ծրագիրը պետք է ուղղված լինի ԼԳԲՏԻ համայնքի հիմնախնդիրների լուծմանը, իրավունքների պաշտպանությանը, խտրականության դեմ պայքարին և այլ առնչվող ոլորտներին։ Խրախուսվում են ԼԳԲՏԻ անձանց շրջանում COVID-19-ի հետևանքների մեղմացմանը ուղղված ծրագրերը։
Յուրաքանչյուր ծրագրի բյուջեն կազմում է 100,000-500,000 ՀՀ դրամ։
Ծրագրի տևողությունը՝ 2020թ․-ի մայիսի 15-ից մինչև հուլիսի 31-ը։
Ծրագրին դիմելու համար խնդրում ենք լրացնել հայտադիմումը մինչև 2020 թվականի մայիսի 11-ը` ծրագրի դաշտում ընտրելով «Կարողությունների զարգացում և հզորացում հանուն Հայաստանում ԼԳԲՏԻ անձանց իրավունքների պաշտպանության» անվանումը։
Ովքե՞ր կարող են դիմել՝ իրավապաշտպան գործունեություն ծավալող ՀԿ-ները և նախաձեռնող խմբերը, որոնք զբաղվում են ԼԳԲՏԻ հիմնահարցերով, խոցելի խմբերի իրավունքների պաշտպանությամբ և խտրականության դեմ պայքարով։
Ենթադրամաշնորհային ծրագրերը տրամադրվում են «Նոր Սերունդ» Մարդասիրական ՀԿ-ի կողմից Նորվեգիայի Հելսինկյան կոմիտեի ֆինանսական աջակցությամբ իրականացվող «Կարողությունների զարգացում և հզորացում հանուն Հայաստանում ԼԳԲՏԻ անձանց իրավունքների պաշտպանության» ծրագրի շրջանակում։
Ծրագրի նպատակն է խթանել ԼԳԲՏԻ անձանց իրավունքների պաշտպանությունը և նպաստել խտրականության վերացմանը Հայաստանում։
Բոլոր փաստաթղթերը խնդրում ենք բեռնել այս տեղ
